اسرع حل لنزول المولود قبل إصدار جواز سفر له التخطي إلى المحتوى

اسرع حل لنزول المولود قبل إصدار جواز سفر له

اسرع حل لنزول المولود قبل إصدار جواز سفر له

أهلا وسهلا بكم متابعي وكالة اليوم الاخبارية سوف نطرح لكم اليوم شرح كامل لأسرع حل لنزول المولود قبل إصدار جواز سفر لـه وتم نشر المقالة من صفحة الجالية المصرية بالسعودية لتجربة حديثة لأحد الأشخاص وسوف نطرح لكم الان كافة التفاصيل

 

١- خطوات ثابتة للكل
• حجز ميعاد في احوالد مدنية السعودية و تعمل حسابك بعد تاريخ المقدر من الطبيب اقل حاجة اسبوعين تلاتة.
• اصدار شهادة الميلاد السعودية في الميعاد المحجوز سابقا عن طريق تقديم تبليغ الولادة ونموذج موجود علي النت لاصدار الشهادة وتاخد الاقامات والجوازات صور واصول معاك دايما في اي حتة .
• تصديق شهادة الميلاد السعودية من وزارة الخارجية السعودية
• بعد التصديق تصور الشهادة مصدقة وش وظهر وتروح القنصلية المصرية.

 
٢-خطوات النزول المستعجل .
•داخل القنصلية مكتب تصاريح السفر هياخد صورة الشهادة موثقة وصورتين وصور اقامات وجوازات وصورة تبليغ احتياطي ونص ساعة وكدا معاك وثيقة السفر ( للسفر لمصر ) •تصدق اصل شهادة الميلاد من القنصلية شباك التصاديق
•تصور الشهادة بعد التصديق وتصدق الصورة تاني من شباك التصاديق ( صورة طبق الاصل )
• الصورة طبق الاصل دي اللي هتطلع بيها الشهادة المصرية في مصر .
• اصل الشهادة دا كدا خلاص تحتفظ بيه ومتسلموش لاي جهة عشان هتحتاجه في السعودية .
• تروح الجوازات في منطقتك قسم اضافة مواليد ومعاك :

 
١-شهادة الميلاد السعودية اصل وصورة
٢-اقامات وجوازات اصل وصور
٣-صورة خلفية بيضاء للمولود زي بتاعة الجواز
٤-طلب اضافة تابع وبتملاه
٥-صورة تبليغ الولادة
٦-وثيقة السفر الاصل وصورة

 

موظف الجوازات هيمضيك اقرار انك عارف ان الطفل دا هيخرج نهائي وهيديك رقم التاشيرة للخروج النهائي.
كدا انت تقدر تخرج بالمولود وفي المطار هيشوف اصل شهادة الميلاد السعودية لانك مش بتختم خروج للبيبي من الشباك العادي بتختم من شباك تاني هيوجهك ليه حسب كل مطار طبعا .

 
وانت نازل هتاخد كل حاجة معاك اصل وصورة شهادة الميلاد المصري وهتروح فرع الاحوال المدنية في العباسية ومعاك :
هتاخد صورة شهادة الميلاد السعودي ( طبق الاصل اللي هيا صورناها ووثقنا الصورة في القنصلية المصرية )
صور بطاقة ام واب وبيسال عن السن ( سؤال عتيه )
بطاقة اللي هيقدم الطلب لازم درجة اولى قرابة خال او خالة عم او عمة واب وام طبعا ( يفضل ست عشان شباك الرجالة عذاااب ) . ونموذج طلب هناك .
١٠ ايام وتروح تطلعها كمبيوتر من اي فرع احوال مدنية عادي في مكان في الجمهورية .
قربنا نخلص متقلقش .
• توثق شهادة الميلاد المصرية وزارة خارجية ( اللي هتستخرجها من اي فرع بقا عادي ب ٢٧ جنيه )
• تاخد الشهادة ( دي ممكن قبل التوثيق عادي ) وتروح الجوازات تسحب طلب وتملاه مع صورة خلفية بيضاء وتملا الطلب وتطلع جواز سفر للمولود ب ١٥٠ جنيه واسبوع وهتستلمه .
••••• تحجز موعد في تساهيل ببياناتك
• تحت بند اقامة • تحت بند اقامة • تحت بند اقامة
وهتضيفه علي اقامتك او اقامة والدته عادي مش فارقة
وتروح الفرع معاك  :

 

•اقامات اب وام صور واصل
• برنت بيانات من مقيم للام والاب ودا بتجيبه قبل ما تنزل مصر
•جواز ام واب اصل وصور
•تاشيرة خروج وعودة اب وام الصور طبعا
•صور اختام الخروج لجواز الام لو هتضيف عليها والعكس لو الاب
•صورتين خلفية بيضاء
•صورة من شهادة الميلاد السعودي والمصري طبعاً
لو حجرت ميعاد عادي ب ٥٣٠ ولو مميز ٨١٠
الوقوع في اي خطأ مع تساهيل هيعمل حظر علي تقديم جوازك لمدة ١٤ يوم فا خلي بالك اوي في البيانات والميعاد
ورأيي اتصل برقم تساهيل ١٦١٦١ بتاع خدمتهم واتاكد من اللي هتعمله قبل ما تحجز لانك عشان تعرف تكنسب الميعاد او تاجله لازم قبل الميعاد ب ٤٨ ساعة ولو ملحقتش هيحصل الحظر فا ركز جامد.
بعد ما هتروح تساهيل هياخد جواز البيبي وجواز الي هيتضاف عليه ( ام او اب ) وباقي الحاجات المطلوبة وطبعا هتتاكد اما تتصل بردو
** معلومة نسيت اكتبها
لو اقامتك هتنتهي جددها الاول قبل اضافة المولود عليك وصدور النهائي لان لو انضاف هيظهر علي ابشر وبدون تامين صحي وملوش كارت اقامة فا مش هتعرف تجدد غير لما يخرج

 
————- كدا خلاص ————-
هياخد الجواز تقريبا من ٧-١٠ ايام عمل وهيوصلك شحن
انا كنت مختار خدمة مميزة ( غصب عني ) فرع التجمع الخامس فااااضي وهاااادي وخلصت قبل ميعادي
ورحت يوم الثلاثاء اللي فات اخدت الجواز النهاردة وعليه التاشيرة شحن لحد البيت .
يارررررب اكون منسيتش حاجة
لا تنسوني بالدعاء بنية الخير وسعة الرزق

التعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *