التخطي إلى المحتوى

كويتي وزوجته يتعدون على مصري ويلفقون له قضية

كويتي وزوجته يتعدون على مصري ويلفقون له قضية

وكالة اليوم الاخبارية – تعرض وافد مصري الجنسية يدعى “محمد عصام” من قانطي حي “دريم لاند” بمدينة السادس من أكتوبر، لتعدي بالضرب من جانب رجل كويتي وزوجته.

فقد أوضح “عصام” عبر حسابه الشخصي على موقع التواصل الاجتماعي “فيس بوك” من خلال نشرة يوم الخميس الماضي، كافة التفاصيل الخاصة بالواقعة، فقال:طالع بعربيتي من جراج بيتي في دريم لاند.. وإذا بجاري الكويتي ومراته والجنايني “المسجل خطر” بيوقفوا العربية بالقوة.. والبلطجي شدني من العربية وهاجمني بطريقة أول مرة أشوفها في حياتي.. من الواضح إنهم كانوا مرتبين التسلسل هو مكتفني والست جايبة جنزير الجراج الحديد “بتخنقني بيه”.

وتابع “عصام”: حاولت أدافع عن نفسي بكل ما أوتيت من قوة، لحد ماقدرت أبعدهم لحد ماخدت نفسي. الغريب إنهم كتفوني تاني والمرة دي البلطجي كتفني والكويتي ومراته كانو لفين الجنزير حولين رقبتي وكل واحد بيشد من طرف لغاية ما اتخنقت وخلاص حسيت إنها النهاية! هتقتل في جراج عمارتنا، دي آخرتها من ناس أبعد من أن تكون بني آدمين.

المهم قدرت أفك بأعجوبة وحاولت اللوش بالجنزير يمين وشمال وجريت من الجراج وندهت الناس وندهت الأمن، مكافاهمش بغبائهم، طلعو يجرو ورايا والأمن ساعتها وأهلي نزلوا، وزي المتوقع جريوا علي بيتهم وكلموا السفارة اللي كلمتلهم الشرطة وجت في نص ساعة!! اللي هي يدوبك المسافة من قسم أكتوبر لدريم”.

وأنهي “عصام” حديثة، السبب والله البوست ده مش عشان أقول إن عشان كويتي ده حصل وبس، ده راجل مبلطج وعنده 9 كلاب أيوه تسعة!! شرسة كبيرة الحجم وبينبحوا وبيعووه طول الليل والنهار، غير مهتمين بإزعاج الناس اللي حولييهم ولا البيئة القذرة من مخلفات الكلاب والحشرات الضارة الناتجة عن القذارة دي! حاولنا نتكلم معاهم وبلغنا شرطة البيئة والشرطة والنيابة وإدارة دريم ويوجد معنا التقارير وأرقام المحاضر وكله بييجي يشرب شاي بالياسمين ونكمل احنا مع الكلاب!.. لكن في الحقيقة إنه عشان أنا مصري حقي بقى بيروح مقابل شوية فلوس رشوة وفي لمح البصر ممكن أعيش باقي حياتي في السجن متلفقلي قضية إجهاض أو اغتصاب أو أي حاجة يلفقوها..إلى متى المصري يهان في بلده؟؟ ولو مصري في الكويت يقدر يعمل كدة!؟.

المصدر. الأهرام الكندية

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *